SQO-daǵy aýdan ákimderine bir aı ishinde sý tasqynyna daıyndalý júkteldi
PETROPAVL. QazAqparat - Soltústik Qazaqstan oblysy ákimdigindegi apparattyq jınalysta kóktemdegi sý tasqynyna daıyndyq máseleleri talqylandy, dep habarlaıdy «QazAqparat» HAA tilshisi óńir basshysynyń baspasóz qyzmetine silteme jasap.
Kóktemgi kezeńge oblystyń daıyndyq barysy týraly baıandamamen tótenshe jaǵdaılar departamenti basshysynyń mindetin atqarýshy Nurlan Atyǵaev sóıledi.
Ol «Qazgıdromet» RMK málimetteri boıynsha, 1 qańtardaǵy oblys aýmaǵyna túsken qar kólemi ortasha jyldyq kórsetkishtermen salystyrǵanda, normadan 120-210 paıyz asyp ketken.
Óńir basshysy Erik Sultanov aýdan ákimderine eldi mekenderdi sý basyp qalmaýy úshin, bir aı ishinde tas-túıin daıyn bolýdy tapsyrdy.
«Ótken jylǵy tájirıbe bar. Injenerlik jáne jol-qurylystyq tehnıkamen qamtamasyz etý qajet. Qazir barlyǵyn daıyndaý qajet, barlyq kólikti aýdandarǵa bólip berý qajet. Qajet qapshyqtardy satyp alyńdar, jetkilikti qarajat bólińder», - dep tapsyrma berdi SQO ákimi.
