SQO-daǵy 4 aýdanda qutyrma aýrýy tirkeldi
PETROPAVL. QazAqparat – Soltústik Qazaqstan oblysyndaǵy Aqjar, Jambyl, Ǵ. Músirepov atyndaǵy jáne M.Jumabaev aýdandarynda qutyrma aýrýy tirkeldi, dep habarlaıdy QazAqparat tilshisi.
SQO veterınarııa basqarmasynyń málimetinshe, qutyrma M.Jumabaev aýdanyndaǵy «Kýlomzıno» jáne Aqjar aýdanyndaǵy «Aqerke» sharýa qojalyqtarynda, Ǵ.Músirepov atyndaǵy Qazaqstannyń 15 jyldyǵy aýylynda, Jambyl aýdanyndaǵy Qaraqamys eldi mekeninde anyqtalǵan. Osyǵan oraı qazir shekteý sharalary qolǵa alynbaq.
Mamandardyń aıtýynsha, aýyl sharýashylyǵy jáne úı janýarlaryna qutyrma aýrýy negizinen jabaıy jyrtqysh ańdardan juǵady. Sońǵy kezde eldi mekenderge qorek izdep túlki, qarsaq, janat tárizdes ıtter jıi kiretin bolǵan. Jyrtqyshtardan qaýipti vırýs qapqan kezde silekeı arqyly juǵady. Qutyrma aýrýynyń taralýyna osy sebep bolýy múmkin.
Buǵan deıin Tımırıazev aýdanyndaǵy «Atameken Agro Tımırıazevo» JShS bir sıyrdyń qutyrmany juqtyryp, sharýashylyqqa shekteý sharalarynyń engizilgenin aıtqan edik.
Aqpan aıynda Mamlıýt aýdanyndaǵy Meńgeser aýylynda anyqtaldy.
Qazir qutyrma aýrýynyń oshaqtarynda tıisti is-sharalar qolǵa alyndy. Veterınarlardyń aıtýynsha, eldimekenderdegi barlyq úı janýarlaryna vırýstyń aldyn alý maqsatynda vaktsına egiledi.
