SQO-daǵy Teplıchnoe aýylynan turǵyndardy evakýatsııalap jatyr
PETROPAVL. KAZINFORM – Esil ózeniniń tasýyna baılanysty Soltústik Qazaqstan oblysy Teplıchnoe eldi mekeninen turǵyndar qaýipsiz jerge shyǵaryla bastady.
SQO ákimi baspasóz qyzmetiniń málimetinshe, bul - azamattardyń ómiri men densaýlyǵynyń qaýipsizdigi úshin aldyn ala qolǵan alynǵan shara. Búgin saǵat 15.00-de bastalǵan jumys saǵat 18.00-ge deıin aıaqtalýy tıis.
– Kólikpen tasymaldaýǵa muqtaj turǵyndar úshin arnaıy kólik jáne jedel járdem qyzmetteri uıymdastyrylady. Qosymsha aqparat alý úshin 87153821201 nómirine habarlasýǵa bolady. Ýaqytsha ornalastyrý úshin evakýatsııalyq pýnktter aldyn ala daıyndaldy. Olar - Beskól aýylyndaǵy №2 orta mektep pen Petropavldaǵy Jumabaev kóshesi, 198 mekenjaıyndaǵy jataqhanada ornalasqan.
Oqıǵa ornynda TJ qyzmetteri, jergilikti atqarýshy organdar jáne basqa da jedel qyzmetter jumys istep jatyr. Barsha turǵyndardy sabyr saqtap, jedel qyzmetterdiń nusqaýlaryn qatań saqtaýǵa shaqyramyz. Teplıchnoe aýylynynda bógetti nyǵaıtý jumystary jalǵasady, - delingen habarlamada.
Esterińizge salaıyq, búgin arnaıy qyzmettermen birge turǵyndar, volonterler, memlekettik qyzmetshiler túni boıy aýyl mańyndaǵy bógetti kóterip, nyǵaıtqan edi.