SQO-daǵy Sergeev sý qoımasynda sý deńgeıi qaıta kóterilip jatyr
PETROPAVL. KAZINFORM – Soltústik Qazaqstan oblysyndaǵy Sergeev sý qoımasynda ótken táýlikte sý deńgeıi 14 sm-ge kóterildi, qazir nysan 120% tolǵan.
«Qazgıdromet» kásiporny oblystyq fılıalynyń málimetinshe, shaǵyn ózenderde sý deńgeıi kúndelikti túsip, búginde qaýipti deńgeıden úsh ese tómendegen.
Aqmola oblysymen shekaralas Shóptikól aýylynyń mańynda jáne Drýjba, Toqsan bı aýyldarynda da Esil ózeniniń sý deńgeıi túsip jatyr. Munda sý tasqynynyń ekinshi tolqyny ótti.
Al Sergeevka qalasy mańynda Esil ózeniniń deńgeıi bir táýlikte 89 sm-ge kóterildi. Bógettiń jotasy arqyly tasyǵan sý bıiktigi qazir 116 sm-ge jetti. Al Petropavldaǵy gıdrologııalyq nysanda sý deńgeıiniń 12 sm-ge tómendegeni tirkeldi.
Gıdrologtardyń boljamynsha, Petropavlǵa sý tasqynynyń ekinshi tolqyny mamyr aıynyń basynda kelmek. Biraq onyń aýqymy byltyrǵydaı bolmaıdy.
Buǵan deıin Aqmola oblysynan kelgen aǵyn sý esebinen Esil ózeniniń sý deńgeıi qaıta kóterile bastaǵanyn jazǵan edik.
