SQO-daǵy Sergeev sý qoımasy tolýǵa jaqyn

PETROPAVL. KAZINFORM – Soltústik Qazaqstan oblysyndaǵy Esil jáne shaǵyn ózenderdiń sý deńgeıi kóterilip jatyr. Sergeev sý qoımasy búginde 94 % tolǵan.

«Qazgıdromet» RMK SQO fılıalynyń málimetinshe, Ǵabıt Músirepov atyndaǵy aýdannyń Toqsan bı aýyly janynan ótetin Esil ózeniniń deıgeıi ótken táýlikte taǵy 105 sm-ge kóterilgen. Osylaısha tereńdigi 710 sm-ge jetti. Mundaǵy qaýipti deńgeı – 1800 sm.

Kreşenka eldi mekeniniń mańynda da Esil ózeniniń sýy molaıyp jatyr, bir táýlikte kórsetkish 52 sm artty.

Imanburlyq ózeniniń de sýy tolyp keledi. Bir táýlikte Sokolovka eldi mekeniniń mańynda onyń deńgeıi 71 sm-ge kóterilgen.

Rýzaevka eldi mekenindegi gıdrologııalyq beket Sharyq ózeniniń sý deńgeıi bir táýlikte 45 sm-ge artqanyn kórsetti.

Shal aqyn aýdanynda ornalasqan Sergeev sý qoımasynda sý deńgeıi 34 sm-ge kóterildi. Osylaısha bógen búginde 94% tolǵan.

Petropavl mańynda Esil ózeniniń sý deńgeıi 4 sm-ge artty.

Buǵan deıin Petropavldaǵy Zarechnyı kentindegi bóget áskerılerdiń kómegimen nyǵaıtylyp jatqanyn aıtqan edik. 

Jalpy, SQO-da eń úlken sý tasqyny 2017 jyly boldy. Osy ýaqytta Sergeev sý qoımasynan tasyǵan sýdyń bıiktigi 3 metrden asyp ketken edi.