SQO-daǵy qoqys polıgondarynyń kóbi ruqsatsyz jumys istep tur
PETROPAVL. KAZINFORM — Soltústik Qazaqstan oblysynda qatty turmystyq qaldyqtar polıgondarynyń basym bóliginde zańdy ruqsat qujattary joq. Bul jóninde elimizdiń Ekologııa jáne tabıǵı resýrstar mınıstrligi málimdedi.
Resmı aqparatqa sáıkes, oblys aýmaǵynda qazir qatty turmystyq qaldyqtardyń 450 polıgony bar.
Sonyń tek 352-siniń ǵana jer aktisi resimdelgen. Al qalǵan 98 nysan boıynsha qujattar joq.
Budan bólek, nebári 10 polıgon ǵana qaldyqtardy kómýge ekologııalyq ruqsat alǵan.
Oblys ortalyǵy Petropavldaǵy jaǵdaı da máz emes. Mundaǵy polıgon tolýǵa jaqyn qalǵan.
— Qalanyń negizgi qoqys polıgony «Qyzyljar Tazalyq» JShS-na tıesili. Bul nysannyń jobalyq qýaty — shamamen 1,5 mln tonna. 2024 jylǵy 1 sáýirdegi jaǵdaı boıynsha polıgon 92% tolǵan. Kásiporyn I sanattaǵy nysan retinde ekologııalyq ruqsat alǵan, 61 380 tonna tógýge ǵana ruqsat etilgen, — delingen resmı jaýapta.
Osyǵan baılanysty Petropavlda jańa qatty turmystyq qaldyqtar polıgonyn salý josparlanǵan. Bul maqsatqa Mamlıýt aýdany ıAkor eldi mekeni mańynda arnaıy jer ýchaskesi de bólindi.
Vedomstvonyń málimetinshe, jospar aıasynda «Qyzyljar Tazalyq» JShS polıgonyn rekýltıvatsııalaý 2026 jylǵa josparlanǵan.
Sonymen qatar 2027 jylǵa deıin oblystyń segiz aýdany — Aqjar, Aqqaıyń, Jambyl, Taıynsha, Tımırıazev, Ýálıhanov, Ǵabıt Músirepov jáne Maǵjan Jumabaev aýdandarynda — jańadan qatty turmystyq qaldyqtar polıgondary salynbaq.
Buǵan deıin eldegi polıgondarda 125 mln tonna qoqys jatqanyn jazǵan edik.
