SQO-daǵy Birlik aýylyna qaıtarylǵan aktıvter esebinen aýyz sý tartyldy

ASTANA. KAZINFORM — Soltústik Qazaqstan oblysynda memleketke qaıtarylǵan aktıvter esebinen 39 áleýmettik joba júzege asyrylyp jatyr, dep habarlaıdy oblystyq prokýratýranyń baspasóz qyzmeti.

Vedomstvo málim etkendeı, sonyń biri — Esil aýdanynyń Birlik aýylyn sapaly aýyz sýmen qamtamasyz etý jobasy.

Prokýratýra organdary qaıtarǵan aktıvter arqyly salynǵan sý qubyrynyń qurylysy tolyq aıaqtaldy. Ashylý rásimine aýdan prokýrory T. Salpyqov, aýdan ákimi M. Muhamedıarov jáne aýyl turǵyndary qatysty.

— Jeltoqsan aıynan bastap qubyr iske qosylyp, Birlik aýyly ortalyqtandyrylǵan aýyz sýǵa qol jetkizdi. Bul joba aýyl halqynyń turmys sapasyn jaqsartýǵa múmkindik berdi, — delingen habarlamada.

Oblys prokýratýrasy qaıtarylǵan aktıvter esebinen qarjylandyrylatyn áleýmettik jobalardyń iske asyrylýyn baqylaýdy jalǵastyratynyn habarlady.

Budan buryn Aqtóbede zańsyz aktıv esebinen salynǵan dárigerlik ambýlatorııa paıdalanýǵa berilgenin jazǵanbyz.