SQO-daǵy aýylda egeýquıryq qaptap ketti
PETROPAVL. KAZINFORM – Soltústik Qazaqstan oblysy Beskól aýylynyń turǵyndary egeýquıryqtyń kóbeıip, páterge deıin kirip ketkenine shaǵymdandy.
Áleýmettik jelide turǵyndar oqıǵalaryn aıtyp berdi. https://www.instagram.com/p/DRPCCj5DEdY/?img_index=7&igsh=MXZ4N2loNjY3NjF1NA%3D%3D Aıtýlarynsha, sońǵy ýaqytta kemirgishterdiń sany eselep ósken. Keıbiri kúnine 3-4-eýiniń kózin joıǵanymen, olar azaıar emes. Tipti kópqabatty úıdegi páterlerge deıin kirip, jurttyń mazasyn alǵan.
- Qazir balalardy dárethanaǵa jalǵyz jiberýge qorqamyz. Olar adamdarǵa da shabýyldaıdy ǵoı. Ne isterimizdi bilmeı otyrmyz. Qaýipti kemirgishterdiń kóbeıýine qatty turmystyq qaldyqtardyń der kezinde shyǵarylmaýy sebep. Sondaı-aq buralqy ıtter mysyqtardy qyryp, qazir egeýquıryq aýlaıtyn mysyq qalmaǵan, - deıdi Beskól turǵyndary.
SQO sanıtarııalyq-epıdemıologııalyq baqylaý departamenti mamandary deratızatsııa jumystaryn turǵyndar óz qarajatyna júrgizýi tıis ekenin aıtty nemese bul máselemen múlik ıeleri birlestigi aınalysýy kerek.
- Kemirgishter juqpaly aýrýlardyń tasymaldaýshysy. Úılerdiń qabyrǵalaryn tesip, zaqymdap, symdardy kemirip, azyq-túlikti búldiredi. Olar adamdarǵa da shabýyldaýy múmkin. Tipti leptospıroz, ıersınıoz, týlıaremııa sııaqty jáne t.b. qaýipti aýrýlardy da taratady, - deıdi departament qyzmetkerleri.
Esterińizge salaıyq, buǵan deıin Almatyda kemirgishtermen kúresý úshin 47 myń ga astam jer qamtylatynyn jazǵan edik.