SQO-daǵy araq-sharaptan bas tartqan aýylda sońǵy 6 jylda birde-bir qylmys tirkelmegen
PETROPAVL. KAZINFORM – Soltústik Qazaqstan oblysynyń Esil aýdanyndaǵy Qaraǵaı aýyly spırttik ishimdikten bas tartqan eldi mekenderdiń qatarynda. Nátıjesinde munda urlyq, túrli janjaldar sap tyıylǵan.
SQO Polıtsııa departamenti baspasóz qyzmetiniń málimetinshe, Bulaq aýyldyq okrýginiń quramyndaǵy Qaraǵaı aýyly 10 jyldan beri araq-sharap ataýlyny múldem umytqan. Ýchaskelik polıtsııa ınspektory Qanat Janǵarınniń bul okrýgte tártipti qadaǵalap júrgenine 6 jylǵa jýyq.
«Aýyl shaǵyn 27 úı bar, halyq sany – 88 adam. Men qyzmet atqaryp júrgen ýaqyttan beri bul eldi mekende birde-bir qylmys tirkelmedi. Otbasy-turmystyq salada, qoǵamdyq oryndardaǵy quqyq buzýshylyqtar múldem joq. Aýyl turǵyndary mal ósirýmen aınalysady. Sondyqtan maldy bos, qaraýsyz jiberý máselesi boldy. Aýyl turǵyndarynyń jınalysynda ony sheshtik. Sońǵy úsh jylda mundaı bir de bir derek tirkelmedi», - deıdi Qanat Janǵarın.
Qazirgi ýaqytta ýchaskelik ınspektor jumysynyń negizgi baǵyty – ınternet alaıaqtyqtyń aldyn alý. Mundaı faktiler eldi mekende tirkelmegen, biraq polıtseı qylmyskerlerdiń túrli aıla-tásilderi týraly turǵyndardy aqparattandyryp, únemi kezdesip turady, WhatsApp jelisindegi aýyl chatyna aldyn alý sıpatyndaǵy jadynamalardy jiberip turady. Jergilikti turǵyndar da tártip saqshysynyń jumysyna rıza. Spırttik ishimdikterden bas tartýdyń arqasynda aýylda bereke-birlik ornaǵan.
