SQO-da zıratqa barǵan áıelge aǵash qulap, mert boldy

PETROPAVL. KAZINFORM – Soltústik Qazaqstan oblysy Býlaev qalasyndaǵy zıratqa týǵan-týysynyń basyna barǵan áıeldiń ústine aǵash qulap ketti.

M.Jumabaev aýdandyq aýrýhanasynyń málimetinshe, emdeý mekemesine shaqyrtý saǵat 12.00 shamasynda túsken. Jaraqat alǵan 69 jastaǵy áıeldiń jaǵdaıy aýyr bolǵan. Oǵan ashyq bas-mı jaraqaty dıagnozy qoıyldy. 

Birden aýdandyq aýrýhanaǵa jetkizilip, júrek-ókpe reanımatsııasy júrgizildi. Alaıda, dárigerler onyń ómirine arasha túse almady. 

SQO-da keshe kóterilgen qatty jel basylar emes. Baspanalardyń shatyryn julyp áketý faktileri de bar. 

SQO Polıtsııa departamenti baspasóz qyzmetiniń málimetinshe, daýyl Ǵ.Músirepov atyndaǵy aýdannyń Novoıshımskoe eldi mekeni Lokomotıvnyı, 29 mekenjaıynda ornalasqan bes qabatty úıdiń shatyryn julyp áketken. Zardap shekkender men jaraqattanǵandar joq. 

Buǵan deıin Petropavlda bódeneniń jumyrtqasyndaı burshaq jaýǵanyn jazǵan edik.