SQO-da jylyna 9 myń lıtr sút óndiretin iri ferma iske qosyldy
Óńirdegi alǵashqy megaferma Ǵ.Músirepov atyndaǵy aýdanda ornalasqan. Jańa iske qosylǵan nysannyń jumysyn SQO ákimi Qumar Aqsaqalov baryp kórdi. Bul jaıynda ol áleýmettik jelidegi óz paraqshasynda jazdy.
«Oblysta aýyl sharýashylyǵynda jańa keshenderdi iske qosý jalǵasýda. Ǵabıt Músirepov aýdanynda 1,8 myń basqa arnalǵan «Vozvyshenka SK» JShS-niń megafermasy iske qosyldy. Jobanyń quny - 4,5 mlrd teńge. 30 turaqty jumys orny ashyldy, keıin 60 deıin jetkizilmek.
Bul óńirdegi eń úlken sút fermasy jáne respýblıkadaǵy eń iri fermalardyń biri. Tolyq qýatyna shyqqanda kásiporyn jylyna 9 myń tonna sút óndiredi. Qarapaıym tilmen aıtsaq, megaferma bir jyl boıy 30 myń adamdy sútpen qamtamasyz ete alady», - dep jazdy Qumar Aqsaqalov.
Oblys ákiminiń aıtýynsha, Ǵ.Músirepov aýdanynda 5 jyl buryn 3 sút fermasy ǵana jumys istegen. Búgin munda altynshy ferma iske qosyldy. Osy aýdandaǵy eki sharýashylyqta eki ferma salynyp jatyr, jaqynda taǵy ekeýiniń qurylysy bastalmaq. Osylaısha mundaǵy sút fermalarynyń sany 10-ǵa jetpek
«Bıyl Qazaqstanda 35 ónerkásiptik sút fermasynyń qurylysy júrgizilýde, onyń ishinde tek bizdiń oblysta 17 sút fermasy salynyp jatyr. ıAǵnı, qurylysy júrip jatqan sút fermalarynyń teń jartysy soltústik óńirde. Jyl sońyna deıin 8 ferma iske qosylady. Jalpy bıyl oblysta aýyl sharýashylyǵy salasynda 81,9 mlrd teńgeniń 33 ınvestjobasy júzege asyrylýda.
Avtomattandyrylǵan jáne tsıfrlyq ferma ónimdilikti aıtarlyqtaı ósiredi. Eger eski fermalarda jylyna bir bas 3 myń lıtr sút berse, zamanaýı fermalarda bul kórsetkish 7-8 myń lıtrge jetedi. Osylaısha, tsıfrlyq tehnologııalar ónimdilikti 2 ese ulǵaıtýǵa múmkindik bermek», - dedi Qumar Aqsaqalov.
