SQO-da jylqyny soǵyp ketken kóliktiń júrgizýshisi jaraqat aldy
PETROPAVL. QazAqparat – Soltústik Qazaqstan oblysynda kólik júrgizýshisi abaısyzda jylqyny soǵyp, jaraqat aldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, oqys oqıǵa Ǵ.Músirepov aýdanynda keshke qaraı bolǵan. Almaty-Ekaterınbýrg tas jolymen kele jatqan «Vaz-21099» júrgizýshisi Rýzaevka eldimekenine 5 shaqyrym qalǵanda qarańǵyda joldaǵy jylqyny baıqamaı soqqan. 55 jastaǵy jastaǵy júrgizýshi jaraqat alyp, ol aýdandyq aýrýhanaǵa jatqyzyldy. Jylqy sol jerde ólip ketken, kólikke aıtarlyqtaı zaqym keldi.
Polıtseılerdiń aıtýynsha, jylqyshy jylqylardy joldyń ústinen aıdap alyp ótpek bolǵan. Oǵan qatysty ákimshilik hattama toltyrylyp, aıyppul salyndy.
Aýyl sharýashylyǵy janýarlaryn baǵý týraly erejege sáıkes tórt túlikti ortaq paıdalanatyn jerde, temirjol jáne avtomobıl joldaryna bólingen alapta, sý qorǵaý beldeýinde, sanıtarlyq qorǵaý aımaqtarynda baǵýǵa bolmaıdy.
Erejede sondaı-aq aýyl sharýashylyǵy janýarlaryn temirjoldan, joldyń arnaıy belgilenbegen jerlerinen, durys kórinbeıtin jaǵdaıda jáne qarańǵy ýaqytta aıdap ótýge tyıym salynǵandyǵy kórsetilgen.
