SQO-da jyl basynan polıtsııanyń 5 qyzmetkeri paramen ustaldy
SQO polıtsııa departamenti baspasóz qyzmetiniń málimetinshe, polıtsııa vedomstvosynyń basshysy Marat Tólebaev jergilikti polıtsııa qyzmetiniń patrýldik polıtseılerimen jáne onyń basqa da bólinis qyzmetkerlerimen kezdesti. Maqsat – qyzmetkerlerdiń tártipti jáne zań buzýyna jol bermeý, sybaılas jemqorlyqtyń aldyn alý. Polıtsııa polkovnıgi pogon taqqan zań buzýshylarǵa qatysty óziniń birbetkeı pozıtsııasyn bildirdi.
«Qyrkúıek aıynda patrýldi polıtsııa qyzmetkeri sybaılas jemqorlyqqa jol berip, ustaldy. Ol ákimshilik jaýapkershilikten bosatý úshin para aldy dep kúdiktelýde. Onyń isi tártiptik komıssııanyń otyrysynda qaraldy. Qatań shara qyzmetkerge ǵana emes, onyń birqatar bastyqtaryna da qoldanyldy», - dedi Marat Tólebaev.
Jyl basynan SQO-da polıtsııanyń bes qyzmetkeri sybaılas jemqorlyqqa jol berdi. Olardyń bir bóligi - patrýldi polıtsııa qyzmetkerleri.
«Portatıvti beınetirkegishterdi durys qoldanbaýǵa jáne bekitilgen patrýldeý baǵytynan aýytqýǵa jol bermeý kerek. Patrýldik avtomashınalardaǵy statsıonarlyq beınekameralar beıneni ǵana emes, daýysty da jazady, bul - polıtsııa jumysynyń ashyqtyǵyn kórsetýi tıis», - dedi polıtsııa vedomstvosynyń basshysy.
Jeke qurammen kezdesý barysynda Marat Tólebaev qyzmetkerlerge halyqpen sypaıy sóılesip, qajet bolǵan kezde olardyń quqyqtary men múddelerin qorǵaýda kómek kórsetý kerektigin eskertti. Óıtkeni tártip saqshylarynyń basty mindeti – yqpal etý sharalaryn qoldanyp jazalaý emes.
Oblystyń bas polıtseıiniń aıtýynsha, vedomstvo jumysyna tsıfrlyq resýrsty engizýdiń sybaılas jemqorlyqpen kúreste bereri mol. Áleýmettik jelide de halyqpen keri baılanys ornatylǵan, departament, basqarma basshylary únemi tikeleı efırge shyǵyp, turǵyndardyń suraqtaryna jaýap berip júr. Qyzmetkerlerdiń zańsyz áreketi jaıly SQO PD resmı akkaýnttaryna da habarlaýǵa bolady.