SQO-da jyl basynan beri jol apattarynan 6 adam mert bolyp, 20-sy jaraqattandy
SQO polıtsııa departamenti baspasóz qyzmetiniń málimetinshe, bıyl balalardyń qatysýymen jol-kólik oqıǵalary tirkelgen joq. Byltyr osy aralyqta 2 jol-kólik oqıǵasy bolyp, eki adam zardap shekken edi.
«Dúısenbi 14 aqpannan bastap oblysymyzda «Balalardyń joldaǵy qaýipsizdigi» respýblıkalyq jedel-profılaktıkalyq is-sharasy bastaldy. Basty mindet - balalardyń jol-kólik oqıǵasyna tap boolýynyń jáne sonyń saldarynan jaraqat alýynyń aldyn alý. Patrýlder negizinen oqý oryndary mańynda jumys isteıdi. Ákimshilik polıtsııa qyzmetkerleri oqý oryndary men jaıaý júrginshiler ótkelderi mańyndaǵy jol-kóshe jelilerine monıtorıngti kúsheıtedi. Mektepter men mektepke deıingi bilim beretin mekemelerde profılaktıkalyq jumys jandandyrylady; ınspektorlar onlaın jáne oflaın rejımderde dáris ótkizedi, taqyryptyq býkletter men jadynamalar taratady. Sonymen qatar mektep avtobýstarynyń jaǵdaıy tekseriledi», - deıdi SQO PD JPQB bastyǵy Aıdyn Baımatov.
Jyl basynan SQO-da 15 jol-kólik oqıǵasy tirkelgen, saldarynan 6 adam qaza taýyp, 20 adam jaraqat alǵan.
