SQO-da jyl basynan beri azyq-túlik 7,1 paıyzǵa qymbattady

PETROPAVL. QazAqparat – Soltústik Qazaqstan oblysynda jyl basynan azyq-túlik 7,1 paıyzǵa qymbattasa, keı ónimderdiń maýsymdyq arzandaýy baıqalady, dep habarlaıdy QazAqparat tilshisi.

Ulttyq statıstıka bıýrosy SQO boıynsha departamentiniń málimetinshe, óńir boıynsha ınflıatsııa 5,6 % qurap otyr.

Azyq-túlik ónimderi baǵanyń ósýi boıynsha birinshi orynda tur. Jyl basynan beri 7,1 % qymbattaǵan.

Sonyń ishinde maı baǵasy 13,4 % ósip, birinshi orynǵa shyqty.

Ekinshi orynda nan tur, segiz aıdyń ishinde onyń quny 11,4 % ósken.

Budan basqa un - 9,9 %, jarmalar - 9,3 %, balyq pen balyq ónimderi – 7,6 %, et – 6,8 %, jáne unnan jasalǵan kondıterlik ónimder - 4,2 % qymbattady.

Kókónisterdiń baǵasy jalpy 14,3 % ósken, alaıda sońǵy ýaqytta qııar 28,8 %, qyzanaq 15,9-ǵa arzandady.

Temeki ónimderiniń baǵasy 14,6%, spırttik ishimdikter 6,2 %, alkogolsiz sýsyndar – 6,6 % ósken.

Al jumyrtqa 12,9 %, kúrish 7,2 %, tary 5,4 % jáne makaron 3,8 % arzandady.

SQO-da jyl basynan avtokólik baǵasy da ósken, mamandardyń esebinshe 7,3 % qymbattap otyr.

Úı turmysyna arnalǵan taýarlar 5 %, jýyp-tazalaýǵa arnalǵan quraldar 4,1 %, kitap-keńse taýarlary 3,9 %, kıim men aıaq kıimniń keı túri 3,1 %, farmatsevtıkalyq ónimder 2,7 % qymbattaǵan.

Benzın baǵasy 14,3 %, al dızel otyny 7,5 % ósken.

SQO turǵyndary úshin elektr qýaty 18,5 %, gaz 9,9 % qymbattaǵan. Sondaı-aq keı qyzmetterdiń de quny ósip otyr.

Sonyń ishinde poshta qyzmeti 6,5 %, notarıýs 5 %, saqtandyrý 3,6 % qymbattady.

Budan basqa soltústikqazaqstandyqtar kıimdi jóndetý úshin 6,9 % artyq tóleıdi, al qoǵamdyq tamaqtaný qyzmeti 4,8 % deıin qymbattaǵan.