SQO-da jyl basynan beri 5 adam esirtkini shamadyn tys paıdalanyp qaıtys boldy

PETROPAVL. QazAqparat – Petropavlda polıtseıler 100 kg asa esirtkini arnaıy qurylǵan komıssııanyń kózinshe joıdy, dep habarlaıdy QazAqparat tilshisi.
None
None

Soltústik Qazaqstan oblysy Polıtsııa departamenti baspasóz qyzmetiniń málimetinshe, Petropavlda Esirtki qylmysyna qarsy is-qımyl basqarmasynyń qyzmetkerleri iri kólemdegi esirtkini joıýǵa arnalǵan aktsııa ótkizdi. Arnaıy qurylǵan komıssııanyń kózinshe 100 keliden elitkish zattyń kózi joıyldy.

Búgin joıylǵan esirtki - Petropavl turǵynynyń aýlasynan tabylǵan jabaıy ósken qara sora. Alqaptan salmaǵy 100 keliden asatyn esirtki alyndy.

Ýly shópti joıýǵa «Qamqor» klýbynyń volonterleri de qatysty. Qoǵamdyq belsendiler profılaktıkalyq is-sharalar kezinde, reıdterde, esirtki graffıtılerin boıaý barysynda árdaıym polıtseılerge kómektesip turady.

«Biz volonterler osyndaı aktsııaǵa óz úlesimizdi qosqanymyz úshin qýanyshtymyz. Osyndaı is-sharalarǵa qatysa otyra, biz «Esirtkige jol joq!» dep, qoǵamdy salamatty ómir saltyna shaqyramyz», - deıdi aktsııaǵa qatysqan Soltústik Qazaqstan kásiptik-pedagogıkalyq kolledjiniń 3 kýrs stýdenti Qaısar Mýsın.

Jyl basynan SQO-da esirtki zattaryn shamadan tys paıdalaný saldarynan 5 adam qaıtys bolǵan. Nashaqorlarǵa alǵashqy medıtsınalyq kómek kórsetý úshin jedel járdem 69 ret kómekke kelgen. Kómekke júgingenderdiń arasynda 7 jasóspirim de bar.

«Mektepte esirtkiniń zııany jaıly oıdy balalardyń sanasyna myqtap sińirý kerek. Ata-analar, muǵalimder, biz tártip saqshylary birlesip, kún saıyn tálimi mol profılaktıkalyq jumysty ótkizýimiz qajet. Jastarmen birlese otyra atqarǵan búgingi is-sharamyz – osy baǵyttaǵy profılaktıkalyq tásildiń bir joly», - deıdi Petropavl qalalyq Polıtsııa basqarmasy esirtki qylmysyna qarsy is-qımyl bóliminiń bastyǵy Rahat Nurahmetov.

Bıyl zańsyz aınalymnan 390 kg astam túrli esirtki zaty, onyń ishinde 1 kg 690 gramm sıntetıkalyq dári-dármek alyndy. Qylmystyq jaýapkershilikke 85 adam tartyldy.


Сейчас читают