SQO-da jyl basynan beri 400-den astam mas júrgizýshi ustaldy
PETROPAVL. QazAqparat - Soltústik Qazaqstan oblysynyń joldarynda jyl basynan 456 mas júrgizýshi ustaldy, – dep habarlaıdy QazAqparat.
Aımaqtaǵy PD Jergilikti polıtsııa qyzmeti basqarmasynyń málimetinshe, qyzmetkerler osyndaı faktilerdi anyqtaý jáne jolyn kesý úshin maqsatty jumystar júrgizýde.
«9-maýsym kúni keshke Petropavl qalasy PB patrýldik polıtsııa batalonynyń qyzmetkerleri Naberejnaıa-Hımenko kósheleriniń qıylysynda Toyota kóligin toqtatqan. Júrgizýshi alkogoldik masań kúıde bolǵan. Polıtseıler Ákimshilik quqyq buzýshylyq týraly kodekstiń 608-baby boıynsha materıal jınady. Sot 43 jastaǵy qala turǵynyn 7 jylǵa kólik júrgizý quqyǵynan aıyrdy. Sonymen qatar ol 15 táýlikke ákimshilik qamaqqa alyndy», - dep jazdy vedomstvodan.
Oblysta jyl basynan beri mas júrgizýshilerdiń qatysýymen 8 jol-kólik oqıǵasy tirkelgen. Barlyǵy 96 jol apaty oryn alyp, onyń saldarynan 15 adam qaza tapqan, 142 adam jaraqat aldy.
