SQO-da jyl basynan beri 170 mln teńgeniń dári-dármegi tegin taratyldy
PETROPAVL. QazAqparat – Soltústik Qazaqstan oblysyna 508 mln teńgege tegin dári-dármek tıelip, jiberilýge daıyn tur, dep habarlaıdy QazAqparat tilshisi.
«SK-Farmatsııa» JShS baspasóz qyzmetiniń habarlaýynsha, SQO-da qańtar aıynda syrqattarǵa 170 mln teńgeniń tegin dári-dármegi úlestirildi. Máselen qant dıabetimen aýyratyndarǵa 50,1 mln teńgeniń, arterıaldy gıpertenzııasy barlarǵa 45 mln teńgeniń, al onkologııamen aýyratyndarǵa 17,6 mln teńgeniń preparaty berildi.
Jalpy, 2020 jylǵa óńirdegi medıtsınalyq mekemeler 6 mlrd teńgege tapsyrys jasaǵan.
Biryńǵaı dıstrıbıýtordyń habarlaýynsha, SQO turǵyndary Qazaqstan boıynsha júginý sanynan altynshy orynda tur. Dári-dármektiń ýaqtyly jetkizilmeýine qolaısyz aýa raıy sebep bolǵan. Joldar ashylǵan soń tegin preparattar óńirge jetkizile bastady.
Byltyr, mamandardyń aıtýynsha, SQO-da syrqattarǵa 4 mlrd teńgeniń dári-dármegi tegin taratyldy. Bıyl bólinetin qarajattyń ulǵaıýyna jańa aýrýlar tobynyń engizilýi sebep bolǵan. MÁMS júıesi aıasynda patsıentter endi keı preparattarmen tegin qamtylady.
