SQO-da jyl basynan 16 sheteldik Qazaqstan azamattyǵyn aldy
Qazirgi ýaqytta óńirde 800-den astam sheteldik ýaqytsha turyp jatyr.
SQO polıtsııa departamenti baspasóz qyzmetiniń málimetinshe, kóshi-qon qyzmetiniń qyzmetkerleri jáne ýchaskelik polıtsııa ınspektory Jambyl aýdanynda qujatsyz júrgen eki azamatty anyqtady. Aýyl turǵyndary 1974 jylǵy úlgidegi tólqujattaryn joǵaltyp, jeke tulǵany kýálandyratyn qujatty ýaqtyly resimdemegen. Qaraǵandy oblysynyń 64 jastaǵy týmasy tólqujatty sońǵy ret 1981 jyly alǵan eken. Polıtseıler bul faktini anyqtaǵannan keıin ǵana oǵan jańa qujat berildi.
Dál osyndaı jaǵdaıǵa Jambyl aýdany Mırnoe aýylynyń turǵyny da dýshar bolǵan. Kóshi-qon qyzmetiniń qyzmetkerleri 62 jastaǵy aýyl turǵynyna quqyqtyq mártebesin retteýge kómektesti. Polıtseıler memlekettik mekemelerge tıisti suraýlar joldady. Nátıjesinde eki turǵyn da QR azamattary bolyp tanyldy.
«Endi eki azamat ta zeınetke shyǵýǵa qujattaryn resimdeýdi bastaıdy.
Jyl basynan SQO-da polıtseıler 8 myńnan astam adamǵa jeke kýálik tabystady. QR azamattyǵyn 16 shetel azamaty aldy. 7 adamnyń qolynda tek KSRO pasporty bolǵan. Óńirge kelgen 146 adam turýǵa yqtııarhat resimdep, 36 adam QR-da turaqty turýǵa ruqsat aldy.Qazirgi ýaqytta SQO aýmaǵynda ýaqytsha 834 sheteldik turyp jatyr.
