SQO-da júzden astam jasóspirim túnde kóshede júrgen

PETROPAVL. QazAqparat – Soltústik Qazaqstan oblysynda polıtsııa departamenti «Jasóspirim» jedel-profılaktıkalyq is-sharasyn qorytyndylady, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, «Jasóspirim» jedel-profılaktıkalyq is-sharasy óńirde tórt kún boıy ótkizildi. Operatsııaǵa polıtseılerden bólek, prokýratýra, bilim berý mekemeleriniń ókilderi, ata-analar komıtetteriniń músheleri qatysty.

Reıd barysynda turmysy qolaısyz otbasylar, kompıýterlik klýbtar, kóńil kóterý oryndary nazarǵa alyndy. Petropavl qalalyq polıtsııa basqarmasy bastyǵynyń birinshi orynbasary Álibek Ǵabdýllınniń aıtýynsha, ıývenaldyq polıtseıler Jumysshy kentindegi esepte turǵan eki otbasyny tekserdi. Bir otbasynyń balalary qazirgi ýaqytta kámeletke tolmaǵandardy beıimdeý ortalyǵynda turyp jatyr. Olardyń áke-sheshesin ata-ana quqyǵynan aıyrý máselesi sheshilmek. Ekinshi otbasynda anasy durys jolǵa túsken. Tártip saqshylary úıdegi jaǵdaıdy zerdelep, profılaktıkalyq áńgime júrgizildi.

Reıdke qatysýshylar kompıýterlik klýbtardy, dısko-barlardy, sondaı-aq aýlalardy tekserdi. Shamamen saǵat túngi 1.00-de TsÝM-nyń mańaıynda kóshede júrgen 17 jastaǵy jasóspirim anyqtaldy. Bala kóshege serýenge shyqqanyn aıtqan. Ol úıine jetkizilip, ákimshilik hattama toltyryldy, ata-anasymen profılaktıkalyq áńgime júrgizildi.

«Jasóspirim» is-sharasynyń tórt kúninde oblystyń ishki ister organdaryna 142 kámeletke jasqa tolmaǵan jetkizildi. 204 ákimshilik quqyq buzýshylyq anyqtaldy. Onyń 108-i jasóspirimderdiń túngi ýaqytta úıden tys júrýine qatysty. Kámelet jasqa tolmaǵan balalardy tárbıeleý boıynsha mindetterdi atqarmaýdyń 50 faktisi tirkeldi. 32 jasóspirim jáne turmysy qolaısyz 25 otbasy anyqtalyp, esepke qoıyldy.