SQO-da júrgizýshilerge arnalǵan HQO aýdandarda ashylady
PETROPAVL. QazAqparat - Soltústik Qazaqstan oblysynda júrgizýshiler qatary jyl basynan 702 adamǵa tolyqty. Osynsha turǵyn alǵash ret kólik júrgizý quqyǵyna ıe boldy. Polıtseıler barlyǵy 2,5 myńnan astam emtıhan qabyldady, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, tirkeý-emtıhan alý bólimderinde oblys turǵyndaryna jyl basynan eki baǵytta: tirkeý jáne kólikti qaıta tirkeý, júrgizýshi kýálikterin berý boıynsha 21 myńnan astam memlekettik qyzmet kórsetildi. Kólik basqarý quqyǵyn 5,2 myń adam ıelendi. Olardyń 702-si júrgizýshi kýáligin alǵash alyp otyr. Memlekettik tirkeý nómirlik belgileriniń 5148 jıyntyǵy berildi. Onyń ishinde 27-si asa suranysqa ıe nómirler.
«Mańyzdy mindetterdiń biri - aýdandardaǵy Halyqqa qyzmet kórsetý ortalyqtarynda bizdiń qyzmetkerlerdiń jumys ornyn ashý. Nátıjesinde aýdandar turǵyndary júrgizýshi kýáligin alý jáne óz kólikterin tirkeý úshin oblys ortalyǵyna kelýge májbúr bolmaıdy. Búginde Mamandandyrylǵan halyqqa qyzmet kórsetý ortalyqtary Petropavl qalasynan basqa, Taıynsha men Býlaevo qalalarynda, ıAvlenka aýylynda jumys isteıdi. Ekinshi toqsanda Ǵabıt Músirepov atyndaǵy aýdanda, Shal aqyn aýdanynda Mamandandyrylǵan HQO ashý josparda bar», - deıdi SQO PD Tirkeý-emtıhan alý bóliminiń bastyǵy Sergeı Gızbreht.
Budan bólek, bıyl 877 memlekettik qyzmet qashyqtyqtan kórsetildi. 677 soltústikqazaqstandyq júrgizýshi kýálikterin «elektrondyq úkimet» portaly arqyly aldy. 200 adam kólikterdi qaıta satý kezinde olardy tirkeýge qoıǵan nemese tirkeýden shyǵarǵan. Bul qyzmetterdi paıdalaný úshin elektrondyq-tsıfrlyq qoltańba men memlekettik baj salyǵyn qashyqtyqtan tóleı alý múmkindigi bolýy jetkilikti.
«Taǵy bir jańashyldyq - kólik júrgizý boıynsha emtıhandardy avtomektepterde oqymaı-aq tapsyrý múmkinshiliginiń berilýi. Jyl basynan oblysta 34 adam júrgizýshi kýálikterin osylaısha alýǵa tyrysty. Olardyń tek 10-y ǵana sátti tapsyrǵan. Negizinen, kásibı mamandardyń kómegine júgingen abzal. Oqý sapasyna erekshe kóńil bólinedi. Tipti kýrstan ótkender alǵashqy múmkindikten emtıhan tapsyra almaıtyn kezder de bolady»,- deıdi polıtsııa qyzmetkerleri.
Úmitkerlerge qaıta daıyndalý úshin arasy bir apta bolatyn 3 múmkindik beriledi. Úsheýinen de súringen adam jarty jylǵa emtıhan tapsyrý quqyǵynan aıyrylady. Úsh aıda oblysta 13 úmitker qaıtalap oqyp, daıyndalýǵa májbúr bolǵan. Qazir 620 adam sońǵy, úshinshi múmkindikterin paıdalanýǵa daıyndyq ústinde.
