SQO-da júrgizýshi kýáligi joq mas azamat jol talǵamaıtyn kólikti tizgindegen
PETROPAVL. QazAqparat - Qazaqstandyqtardyń keıbiri elde jazanyń qatań bolýyna qaramastan, rýlge júrgizýshi kýáliginsiz jáne mas kúıinde otyrýyn qoıar emes, dep habarlaıdy QazAqparat tilshisi.
Osy kezde Soltústik Qazaqstan oblystyq ІІD baspasóz qyzmetiniń aqparaty boıynsha, 41 jastaǵy «Toıota Lend Krýzer» júrgizýshisi sottyń sheshimin kútip otyr. Ony tártip saqshylary Qyzyljar aýdany Beskól kentinde mereke kúnderi mas kúıinde ustady. Ol byltyr qarashada júrgizýshi kýáliginen aıyrǵan bolatyn.
24 jastaǵy Mamlıýt aýdanynyń turǵyny endi rýlge tek alty jyldan keıin otyra alady. Ol mas kúıinde kólik júrgizgeni úshin sottyń sheshimimen osyndaı merzimge júrgizýshi kýáliginen de aıyryldy.
«Jas jigit 15 táýlikke qamaldy. Ol osyndaı quqyq buzǵany úshin 2013 jyly jazalanǵan edi. Alaıda, júrgizýshi kýáligin alyp úlgermeı jatyp, ol úsh jyldan keıin taǵy da burynǵy ádetine basty. Ony túnde Mamlıýt AІІB qyzmetkerleri toqtatyp, ishimdik ishkenin anyqtaǵan», - dedi baspasóz qyzmetinen.
Soltústikqazaqstandyq polıtseıler jyl basynan beri 400 mas júrgizýshini ustaǵan. Onyń 40-tan astamy qamaldy.
SQO ІІD Jergilikti polıtsııa qyzmeti bastyǵynyń m.a. Arystan Sultanǵazıev jyl basynan beri óńirde mas júrgizýshilerdiń kinásinen 7 jol apaty bolǵandyǵyn atap ótti.
