02:45, 20 Qarasha 2025 | GMT +5
SQO-da jumysshy astyq saqtaý qoımasyna qulap, mert boldy
PETROPAVL. KAZINFORM – Oqıǵa Soltústik Qazaqstan oblysynyń Aqjar aýdanynda boldy.
SQO polıtsııa departamenti baspasóz qyzmetiniń málimetinshe, 19 qarasha kúni Aqjar aýdanyndaǵy aýylsharýashylyǵy kásiporyndarynyń birinde 34 jastaǵy áıel bıikten astyq saqtaý qoımasyna qulap ketken.
Eńbekti qorǵaý zańnamasyn buzý deregine oraı polıtsııa qylmystyq is qozǵady. Qazirgi ýaqytta oqıǵanyń mán-jaıy anyqtalyp jatyr.
Kýágerlerdiń aıtýynsha, jumysshy áıel 30 metrlik bıiktikten astyq toly qoımaǵa qulap ketken.
Buǵan deıin Jetisaıdaǵy órtten zardap shekken naýqas Shymkentke jetkizilgenin jazǵan edik.
Jetisaı aýdanyndaǵy órt kezinde jalpy 12 adam qaza tapty, onyń 9-y kámelet jasqa tolmaǵandar. 3 adam aman qaldy.