SQO-da júk tıegish traktor men avtokólik soqtyǵysty
PETROPAVL. QazAqparat - Soltústik Qazaqstan oblysynda júk tıegish aýyr tehnıka men jol talǵamaıtyn avtokólik soqtyǵysty, dep habarlaıdy QazAqparat tilshisi.
Oqıǵa Mamlıýt aýdanyndaǵy Beloe eldimekeniniń janynda bolǵan. Jol-kólik apatynyń fotosýretteri áleýmettik jelilerge tarap ketti. Odan jeńil kólikke qatty zaqym kelgenin kórýge bolady. Avtokóliktiń júrgizýshisi de, qasyndaǵy tórt jolaýshy da aman qaldy.
«Lexus RX-330» avtokóliginiń júrgizýshisi júk tıegish traktorǵa soǵyldy. Apat saldarynan júrgizshi men onyń jolaýshylary túrli jaraqat alyp, aýrýhanaǵa jatqyzyldy.
«Jol-kólik apatyna qatysty «Avtokólik quraldaryn basqaratyn tulǵalardyń jol erejelerin nemese kólik quraldaryn paıdalanýdy buzýy» qylmystyq baby boıynsha sotqa deıingi tergeý bastaldy», - delingen SQO PD baspasóz qyzmeti bergen aqparatta.
