SQO-da júk tasymaldaýshydan koronavırýs anyqtaldy
PETROPAVL. QazAqparat – Soltústik Qazaqstan oblysynda koronavırýs ınfektsııasy anyqtalǵan eki adam qaýipti indetti Reseıden juqtyryp ákelgen, dep habarlaıdy QazAqparat tilshisi.
Shuǵyl shtabtyń málimetinshe, COVID-19 anyqtalǵan er adamnyń bireýi 1988 jyly týǵan Qazaqstan azamaty. Júk tasymaldaýmen aınalysady. Reseıdiń Omby qalasynan 27 mamyr kúni M.Jumabaev aýdanyndaǵy «Qaraqoǵa» beketi arqyly ótken. Ázirshe qansha adammen qarym-qatynasta bolǵany belgisiz.
Ekinshisi 1979 jyly týǵan. Reseıdiń Ekaterınbýrg qalasynda dánekerleýshi bolyp jumys isteıdi. Shekaradan 27 mamyr kúni Mamlıýt aýdanyndaǵy «Jańajol» beketi arqyly ótip, COVID-19 tekserilgen. Vırýsty juqtyrǵany anyqtalǵannan keıin Mamlıýtka qalasyndaǵy karantındik statsıonardan Petropavldaǵy birinshi qalalyq aýrýhananyń juqpaly aýrýlar bólimshesine kóshirildi. Onymen bir adamnyń baılanysta bolǵany anyqtaldy.
Mamandardyń aıtýynsha, eki adamnyń da jaǵdaıy qanaǵattanarlyq, klınıkalyq belgileri joq. Emdeý sharalary qolǵa alyndy.
Jalpy, 28 mamyrdaǵy jaǵdaı boıynsha SQO aýmaǵynda COVID-19 vırýsyn juqtyrǵan 51 adam tirkelgen.
