SQO-da júk poıyzy 16 qoıdy basyp ketti
Soltústik Qazaqstan oblysy Belogradovka-Jańaesil ótkelinde júk poıyzy 16 qoıdy basyp ketti, dep habarlaıdy Kazinform.
Kóliktegi polıtsııa departamentiniń málimetinshe, Belogradovka-Jańaesil ótkelinde júk poıyzynyń mashınısi jedel toqtaý úshin tejegishti basqan. Alaıda temirjol ústinde jaıylyp júrgen qoılarmen soqtyǵyspaý múmkin bolmady. Saldarynan 16 qoı sol jerde óldi. Al poıyzdy 10 mınýt joldan qaldyrýǵa týra keldi.
Tekseris barysynda túliktiń ıesi anyqtaldy. SQO-nyń 58 jasaǵy turǵyny temirjolda qoı baqqany úshin ákimshilik jaýapkershilikke tartyldy.
Jyl basynan beri Kóliktegi polıtsııa departamentinde poıyzdardyń shuǵyl toqtaýynyń 1624 faktisi tirkeldi, onyń 1077 jaǵdaıynda temir jol ústinde úı janýarlary júrgen.
Kólik polıtseıleri tórt túlik ıelerine temirjoldardyń boıynda mal jaıýǵa bolmaıtyndyǵyn eskertedi.
