SQO-da júk kóligi jylý qubyryna soǵylyp, kópqabatty úıler jylýsyz qaldy
PETROPAVL. QazAqparat – Petropavlda júk kóligi jylý qubyryna soǵylyp, saldarynan birneshe úıdi jylýdan ajyratýǵa týra keldi, dep habarlaıdy QazAqparat tilshisi.
Áleýmettik jelide jylý qubyrynyń jarylǵany týraly vıdeo tarady. Shapshyǵan ystyq sý birneshe metr bıiktikke kóterildi.
Petropavl qalalyq turǵyn úı-kommýnaldyq sharýashylyǵy, avtomobıl joldary bóliminiń habarlaýynsha, apat búgin, oblys ortalyǵyndaǵy Músirepov, 6 mekenjaıynda bolǵan. Jylý jelisine júk kóligi soǵylyp, dıametri 100 mm bolatyn qubyr jaryldy. Zardap shekkender joq.
Qazir apat ornynda «Petropavl Jylý jelileri» JShS brıgadasy jumys istep jatyr. Qubyrdy qalpyna keltirý úshin jylý berýshilerge 6 kópqabatty úıdi jáne bir áleýmettik nysandy jylýdan ýaqytsha ajyratýǵa týra keldi. Jóndeý jumystary 2-3 saǵatqa sozylmaq.
