SQO-da júk kóligi polıtseılerdiń baqylaý beketine soǵyldy
PETROPAVL. QazAqparat – Soltústik Qazaqstan oblysynda KamAZ kóliginiń júrgizýshisi Mamlıýtka jolynda bos turǵan polıtseılerdiń baqylaý beketin soqty, dep habarlaıdy QazAqparat tilshisi.
Áleýmettik jelidegi SQO-nyń jergilikti pablıkterinde Mamlıýtka tas jolynda jabyq turǵan polıtseılerdiń baqylaý beketine KamAZ kóliginiń soǵylǵan fotosýreti tarady.
Petropavl qalasy polıtsııa basqarmasy bul oqıǵaǵa qatysty túsinik berdi.
«23 shilde kúni saǵat tańǵy 06.00 shamasynda Maǵjan Jumabaev aýdanynyń 64 jastaǵy turǵyny KamaAZ kóligimen Mamlıýt jolynda jabyq turǵan polıtseılerdiń «Zapadnyı» baqylaý beketin soqty. Er adam sút apara jatqan. Apat saldarynan ǵımarat zaqymdandy. Zardap shekkender joq. Júrgizýshi spırttik ishimdik ishpegen», - delingen habarlamada.
Polıtseılerdiń aıtýynsha, osy oqıǵaǵa baılanysty KamAZ júrgizýshisine «Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy» boıynsha ákimshilik hattama toltyryldy.
