SQO-da JShS basshylarynyń biri ózi basqaratyn sharýashylyqtan 23 mln teńgeniń astyǵyn urlamaq bolǵan
PETROPAVL. QazAqparat – Soltústik Qazaqstan oblysynda astyq qabyldaý pýnktinen 23 mln teńgeniń bıdaıyn urlamaq bolǵan kúdikti ustaldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, oqıǵa Jambyl aýdanynda bolǵan. Túnde tártip saqshylary «Shatılo ı K» JShS-niń astyq qabyldaý pýnktinde tirkemesi bar 8 «KamAZ» kóligin kóredi. Bıdaıdy kóliktiń jaryǵyn sóndirip tastap tıep jatqany polıtseılerdiń kúdigin týdyrǵan.
Urlyq jasady degen kúdikpen osy sharýashylyq basshylarynyń biri ustaldy. Qazir ol Jambyl aýdandyq polıtsııa bóliminiń ýaqytsha ustaý ızolıatorynda otyr. Urlanǵan ónim ıelerine qaıtaryldy.
Tártip saqshylary iri kólemde urlanǵan astyqqa qatysty sotqa deıingi tergeýdi bastady. Keltirilgen shyǵyn kólemi – 23 mln teńge. «Shatılo ı K» JShS-gi «Atameken-Agro» JShS-niń enshiles kompanııasy. Qazirgi ýaqytta bul urlyqqa JShS-niń basqa basshylarynyń qatystylyǵy tekserilip jatyr.
Tergeý barysynda jeltoqsan aıynyń basynda kásiporynnyń qoımalarynan buǵan deıin de osyndaı jolmen bıdaı urlanǵany anyqtaldy. 190 tonna astyq Aqmola oblysyndaǵy elevatorǵa ótkizilgen.
«Tergeý barysynda urlanǵan ónimniń kimge ótkizilgeni anyqtaldy. Kúdiktiniń úıinen konvertterge salynǵan iri kólemde aqsha tabylyp, tárkilendi. Qazirgi ýaqytta «KamAZ» kólikteri men alynǵan qujattar tekserilip jatyr», - deıdi Jambyl aýdandyq polıtsııa bóliminiń bastyǵy Asan Meıramov.
Qylmystyq istiń tergeý barysyn oblystyń bas polıtseıi men prokýrory baqylaýǵa alǵan.
