SQO-da JRVI juqtyrǵandardyń 71% - 14 jasqa deıingi balalar
PETROPAVL. QazAqparat – Soltústik Qazaqstan oblysynda qazan aıynan bastap 5 myńǵa jýyq adam jedel respıratorlyq vırýsty ınfektsııany juqtyrsa, 19 adamǵa tumaý dıagnozy qoıyldy, dep habarlaıdy QazAqparat tilshisi.
SQO Sanıtarııalyq-epıdemıologııalyq baqylaý departamenti baspasóz qyzmetiniń málimetinshe, jańa epıdemıologııalyq maýsym bastalǵaly óńirde JRVI-diń 4839 jaǵdaıy tirkeldi. Naýqastardyń 71 % - 14 jasqa deıingi balalar.
«14 qazannan bastap oblysta tumaýmen aýyrǵandar anyqtalyp jatyr. V tıpti tumaýdyń zerthanalyq rastalǵan 19 jaǵdaıy tirkeldi.
Qazirgi ýaqytta tumaýdyń aldyn alýdyń tıimdi ádisteriniń biri – vaktsınatsııa. Aýyrǵan jaǵdaıda asqynbaı, jeńil ótedi», - deıdi SQO Sanıtarııalyq-epıdemıologııalyq baqylaý departamentiniń bas mamany Aınash Saǵandyqova.
3 qazanda SQO-da tumaýǵa qarsy ımmýndaý naýqany bastaldy.
«Tirkelgen jeri boıynsha emhanada qaýip tobyna jatatyn adamdar: medıtsına qyzmetkerleri, medıtsınalyq uıymda dıspanserlik esepte turǵan balalar, sábıler, balalar úıleriniń balalary, qarttar úıleriniń kontıngenti, epıdemıologııalyq kórsetkishter boıynsha 2-3 trımestrdegi júkti áıelder, sozylmaly aýrýlary bar adamdar, 65 jastan asqan adamdar vaktsınany tegin saldyra alady.
A tıpti jáne V tıpti tumaýdan qorǵaıtyn reseılik úsh valentti «Grıppol plıýs» preparaty salynady», - deıdi Aınash Saǵandyqova.
SQO-da osy kúnge deıin 47 639 adam egildi, onyń ishinde 9186 oqýshy, 8131 medıtsına qyzmetkeri, 396 júkti áıel, 1864 qyzmetker bar.
«Tumaýǵa qarsy vaktsına saldyrýdan bólek qarapaıym saqtyq sharalaryn esten shyǵarmaǵan jón. ıAǵnı betperde kııý, áleýmettik qashyqtyqty saqtaý, múmkindiginshe adamdar kóp jınalatyn jerlerge barmaý, jeke gıgıena erejelerin saqtaý - qoldy sabynmen múmkindiginshe jıi jýý kerek, óıtkeni tumaý vırýsy aýa tamshylary arqyly ǵana emes, sonymen qatar turmystyq zattar arqyly da taralady. Sonymen qatar, ımmýnıtetti barlyq qol jetimdi tásildermen kóterý qajet, onyń ishinde jumys jáne demalys rejımin saqtaý, jetkilikti uıqy, mıkroelementter men dárýmenderdiń, ásirese «S» vıtamıniniń, sarymsaq pen pııazdyń jetkilikti mólsheri bar durys tamaqtaný», - deıdi sanıtar dáriger.
Ashyq kózderden alynǵan foto
