SQO-da JRVI-men aýyrǵandardy qosymsha qabyldaýǵa 55 oryn daıyn tur

PETROPAVL. KAZINFORM — Soltústik Qazaqstan oblysynda JRVI men tumaýǵa qatysty epıdemıologııalyq jaǵdaı ýshyqqan jaǵdaıda qosymsha 55 oryn ashylmaq. 

SQO Densaýlyq saqtaý basqarmasynyń málimetinshe, medıtsınalyq mekemelerde eresekterge — 20, al balalarǵa qosymsha 35 ınfektsııalyq oryn daıyn tur.

Búgingi jaǵdaı boıynsha qazir óńirdiń emdeý mekemelerinde 319 syrqat em alyp jatyr. Onyń 54-i — eresekter, qalǵan 265-i — balalar. Aýyrǵandardyń 87% — JRVI dıagnozy qoıylǵan.

Tumaý juqtyrǵandyǵy zerthanalyq jolmen rastalǵan 29 naýqasqa tıisti em kórsetilip jatyr. Olardyń tórteýi — júkti áıel bolsa, 24-i — bala.

— Tumaý, JRVI juqtyrǵandardyń arasynda jaǵdaıy óte aýyr, jansaqtaý bóliminde jatqandar joq, — dep jaýap berdi vedomstvo ókilderi.

Buǵan deıin ShQO-da 35 myńǵa jýyq oqýshy qashyqtan bilim alyp jatqanyn jazǵan edik.

Óskemende JRVI juqtyrǵandardyń kóbeıýine baılanysty, aýrýhanalar shekteý sharalaryn engizdi.