SQO-da JRVI-di juqtyrý 37 paıyzǵa ósti
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, 2020 jyly óńirde jiti respıratorlyq vırýstyq ınfektsııany 12 397 adam juqtyrsa, 2021 jyly bul kórsetkish 17 041 adamǵa jetken. ıAǵnı aýyrǵandar sany 37,4 %-ǵa artty.
«Ótken aptada SQO-da 599 adam jiti respıratorlyq vırýstyq ınfektsııany juqtyrdy. Onyń 377-si 14 jasqa deıingi balalar, 76-sy – 15-29 jastaǵylar, 115-i – 30 ben 64 jastaǵy turǵyndar, qalǵan 31-i egde jastaǵy adamdar», - deıdi sanıtar dárigerler.
Óńirde turǵyndardy vaktsınalaý da jalǵasyp jatyr. Pfizer vaktsınasy 6 799 adamǵa salyndy. Onyń basym bóligi – 5 217-si – jasóspirimder, 1379-y – emizýli balasy bar analar bolsa, 203-i – júkti áıelder. Budan basqa 35 myńǵa jýyq adam revaktsınatsııadan ótti.
Buǵan deıin SQO-da koronavırýsqa qatysty jaǵdaıdyń turaqtanǵanyn aıtqan edik.