SQO-da JRVI boıynsha aýrýshańdyqtyń beti qaıtty
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, epıdemıologııalyq maýsym bastalǵaly óńirde jiti respıratorlyq vırýstyq ınfektsııany juqtyrýdyń 25 237 jaǵdaıy tirkelgen. Bul ótken jyldyń osy merzimimen salystyrǵanda 41 %-ǵa artyq.
Desek te, sońǵy bir aptada JRVI boıynsha dárigerlerge kórinýshiler sany kemigen. ıAǵnı, vırýs taralýy boıynsha sharyqtaý sheginen ótti. Ótken 7 kúnde 686 adamǵa JRVI dıagnozy qoıylǵan, bul onyń aldyndaǵy aptadan 41 %-ǵa tómen. 6 syrqat aýrýhanaǵa jatqyzyldy.
Syrqattanǵandardyń jartysyna jýyǵy, 307 adam – 14 jasqa deıingi balalar, 123-i – 15-29 jastaǵylar, 151-i – 30-64 jastaǵy adamdar bolsa, 105-i 65 jastan joǵary egde jastaǵylar.
«Byltyr epıdemıologııalyq maýsymda tumaý juqtyrý jaǵdaıy tirkelmedi. Bıyl qaýipti dertpen aýyrǵan 35 adam anyqtaldy. Olardyń barlyǵynda A tıpti tumaý. Aýrýdyń beti qaıtyp keledi. Desek te saqtyq sharalaryn umytpaǵan jón. Sanıtarııalyq-gıgıenalyq talaptardy ustanyp, adam kóp júretin jerlerge barmaǵan jón», - deıdi sanıtar dárigerler.
