SQO-da jolǵa shyǵyp ketken jylqyny kólik qaqty
PETROPAVL. QazAqparat – Soltústik Qazaqstan oblysynda jeńil kólik júrgizýshisi qaraýsyz qalyp, jolǵa shyǵyp ketken jylqyny qaǵyp ketti, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, oqys oqıǵa Shal aqyn aýdanynda túngi saǵat 23.00 shamasynda bolǵan. «Jezqazǵan-Petropavl» jolynyń 796 shaqyrymynda kele jatqan «Ford Maverick» kóliginiń aldynan jol shetindegi aǵash arasynan 5 jylqy atyp shyqqan. Aqan-Baraq aýylyna bet alǵan 66 jastaǵy er adam birden kóliktiń tejegishine basqanymen, jylqynyń bireýin qaǵyp ketti. Jol-kólik oqıǵasynda eshkim zardap shekken joq, tek kólikke zaqym keldi.
Oqıǵa ornyna polıtseıler jetip, baǵýsyz júrgen jylqylardyń jergilikti JShS-ǵa tıesili ekenin anyqtady.
Malǵa jaýapty brıgadırdiń aıtýynsha, jylqy úıirinen bólinip ketken. Olardy qaraýsyz jibergeni úshin brıgadırge ákimshilik jaza qoldanyldy.
«Bos júrgen mal urylarǵa ońaı olja ǵana emes, sondaı-aq jolǵa shyǵyp, júrgizýshilerge qaýip tóndiredi. Aýdanda mundaı oqıǵalarǵa jol bermeý úshin únemi aldyn alý ús-sharalary júrgizilip turady», - deıdi Shal aqyn aýdany polıtsııa bólimshesiniń basshysy Rýslan Muhambetjanov.
