Tótenshe jaǵdaılar departamenti baspasóz qyzmeti taratqan aqparat boıynsha, óńirde qar basý qaýpi joǵary 376 bólik bar. Eger aımaqta boran turyp nemese kúshti jel soǵatyn bolsa, qar kólik joldaryn jaýyp qalýy yqtımal.

Osyndaı jaǵdaıda qapy qalmaý úshin óńirde respýblıkalyq, oblystyq mańyzdaǵy jáne jergilikti joldardyń boıyna 344 jylynatyn oryndar ornalastyryldy. Sondaı-aq tótenshe jaǵdaıǵa 1183 qar kúreıtin jáne arnaıy tehnıka saqadaı saı tur. Buǵan qosa taǵy kóktaıǵaq kezinde qoldanatyn materıaldar men janar-jaǵarmaı daıyndalǵan.

Qutqarýshylar óńir turǵyndaryna aýa raıyna baılanysty eskertýlerdi elemeý edáýir qaýip týdyratynyn eskertti. Soltústikqazaqstandyqtardy aýa raıynyń buzylatyny týraly aldyn ala «Darmen» qosymshasy arqyly jáne habarlama siltemeleri arqyly habardar etýde.

Oblysta aldaǵy demalys kúnderinde aýa raıynyń buzylýy múmkindigi jóninde eskertý jarııalandy. Óńirde boran turyp, kóktaıǵaq bolýy múmkin.