SQO-da joldan shyǵyp ketken júk kóligi aýdaryldy, júrgizýshi aman qaldy

PETROPAVL. KAZINFORM – Soltústik Qazaqstan oblysynyń Aqjar aýdanynda jol apaty saldarynan kólik kabınasynda qysylyp qalǵan júrgizýshi qutqaryldy, dep habarlaıdy Tótenshe jaǵdaılar mınıstrligi.

Oqıǵa Talshyq aýyly mańyndaǵy respýblıkalyq mańyzy bar jolda bolǵan.

Aldyn ala málimet boıynsha, júk kóliginiń júrgizýshisi kólikti basqara almaı, joldan shyǵyp ketip, aýdarylyp qalǵan.

- 1962 jyly týǵan azamat kólik kabınasynda qysylyp qalǵan. Oqıǵa ornyna dereý jetken qutqarýshylar gıdravlıkalyq quraldyń kómegimen ony syrtqa shyǵaryp, jedel járdem qyzmetkerlerine tapsyrdy, - delingen aqparatta.

Tótenshe jaǵdaılar mınıstrligi turǵyndardy jolda saq bolýǵa shaqyrady.

Aıta keteıik, ShQO-da bıyl maldyń jolǵa shyǵyp ketýi saldarynan 11 jol apaty boldy.