SQO-da joldan ótpek bolǵan áıel kólik astyna tústi
PETROPAVL. QazAqparat – Petropavlda belgilenbegen jerden joldan ótpek bolǵan áıeldi kólik soqty, dep habarlaıdy QazAqparat tilshisi.
Soltústik Qazaqstan oblysy Polıtsııa departamenti baspasóz qyzmetiniń málimetinshe, 30 jastaǵy qala turǵyny túrli jaraqatpen oblystyq aýrýhanaǵa jatqyzyldy.
Oqıǵa Karavan men K.Tsetkın kósheleriniń qıylysynda bolǵan. ZAZ Chance avtokóliginiń 54 jastaǵy júrgizýshisi qarańǵyda ruqsat etilmegen jerden joldan ótpek bolǵan jaıaý júrginshini baıqamaı qalǵan.
Oqıǵa ornyna polıtsııa qyzmetkerleri men jedel járdem dárigerleri keldi. Jol-kólik oqıǵasy faktisi boıynsha sotqa deıingi tergeý bastaldy, onyń aıasynda qajetti saraptamalar taǵaıyndaldy. Kýálandyrý nátıjesi júrgizýshiniń saý ekendigin kórsetti.
