SQO-da jolaýshylardy mas júrgizýshiler tasymaldaýda
PETROPAVL. QazAqparat - «Avtobýs» jedel aldyn alý sharasynyń eki kúninde SQO polıtseıleri qoǵamdyq kólik júrgizýshileri tarapynan jolda júrý erejesin buzýdyń 161 faktisin anyqtady, dep habarlady QazAqparat SQO ІІD baspasóz qyzmetine silteme jasap.
Olardyń 13-i kólikti qujatsyz basqarý, 62-si uıaly telefonmen sóılesý faktileri, 28 júrgizýshi jyldamdyqty asyrsa, 7 júrgizýshi mindetti tehnıkalyq baqylaýdan ótpegen kólikpen jolǵa shyqqan. Sonymen qatar, mas kúıinde Prıbrejnoe aýylynan oblys ortalyǵyna jolaýshylardy tasymaldaǵan «VAZ 2106» kóliginiń júrgizýshisi ustaldy.
Budan bólek, «Petropavl-Qaraǵandy» baǵytyna qyzmet kórsetetin avtotasymaldaýshy jolda júrý erejesiniń óreskel buzylýyna jol bergen. Taıynsha aýdanynda toqtatylǵan «Mann» markaly avtobýsty basqarǵan azamattyń júrgizýshisi kýáliginde tıisti sanat bolmaǵan. Ákimshilik hattama toltyrylyp, júrgizýshi jumysynan shettetildi. Jolaýshylar ózge avtobýsqa otyrǵyzyldy.
