SQO-da jolaýshylar avtobýsyna soǵylǵan jeńil kólik janyp ketti

PETROPAVL. QazAqparat - SQO-da jolaýshylar avtobýsyna soǵylǵan avtomobıl birden otqa orandy. Júrgizýshi oqıǵa ornynda qaza tapty, dep habarlaıdy «QazAqparat» HAA tilshisi.

Áleýmettik jelilerde júrgen beınejazbada joldan shyǵyp ketken avtobýs pen janyp jatqan avtomobıl kórsetilgen. Qoldanýshylar kólik júrgizýshisiniń kóz jumǵanyn aıtady.

ІІD baspasóz qyzmetiniń habarlaýynsha, oqıǵa tańerteńgi 9:30 shamasynda, Músirepov aýdanyndaǵy Nejenka aýylynyń mańynda bolǵan. Jezqazǵan-Petropavl tas jolynda VAZ-21099 kóliginiń júrgizýshisi qarsy baǵytqa shyǵyp ketip, jolaýshylar kóligimen soqtyǵysqan.

«Jeńil kóliktiń júrgizýshisi oqıǵa ornynda qaza tapty. Qatty soqqy saldarynan avtomobılden órt shyqty. Avtobýstyń júrgizýshisi men jolaýshylary zardap shekken joq»,-dep habarlaıdy jergilikti ІІD baspasóz qyzmeti.