SQO-da jol jóndeýge qarjyny kóbeıtedi
PETROPAVL. QazAqparat - Soltústik Qazaqstan oblysynda 2022 jylǵa qaraı ortasha jáne jaqsy deńgeıdegi jergilikti joldardyń jaǵdaıyn 58%-dan 73%-ǵa deıin arttyrý kózdelýde, dep habarlaıdy QazAqparat tilshisi.
Óńirdi áleýmettik-ekonomıkalyq damytýdyń úshjyldyq keshendi josparyna sáıkes, 2019-2021 jyldary oblystyq jáne aýdandyq mańyzy bar joldardy jóndeýge respýblıkalyq bıýdjetten 47,8 mıllıard teńge bólingen. Bul qarajat 1699 shaqyrym jergilikti mańyzy bar joldy jóndeýge múmkindik beredi.
«Ekonomıka jumys isteý úshin jol, jaqsy kólik ınfraqurylymy qajet. Bizde ortasha jáne jaqsy deńgeıdegi joldardyń úlesi - 58%, elimiz boıynsha - 62%. Úkimet sáıkes sheshim qabyldady. Salystyrmaly túrde bıyl respýblıkalyq bıýdjetten 10 mıllıard teńge bólinse, bolashaqta 17 mıllıard teńge alamyz. Jergilikti bıýdjetten de qarjy qosatyn bolamyz», - dedi oblys ákimi Qumar Aqsaqalov.
