SQO-da jol jóndeýge bólingen 87 mln teńgeni jymqyrdy degen kúdikpen burynǵy merdiger ustaldy
ASTANA. KAZINFORM- Soltústik Qazaqstan oblysynyń prokýratýrasy Tımırıazev aýdanynda «Tımırıazevo – Dokýchaevo» avtomobıl jolyn ortasha jóndeýge bólingen 87 mln teńge bıýdjet qarajatyn zańsyz ıemdený faktisin anyqtady.
Prokýratýranyń habarlaýynsha, alaıaqtyq jasady degen kúdikpen merdiger uıymnyń burynǵy basshysy qamaýǵa alyndy.
Oblys prokýratýrasynyń málimetinshe, bul derek Tımırıazev aýdanynyń turǵyn úı-kommýnaldyq sharýashylyq bóliminiń qyzmetine júrgizilgen tekserý barysynda anyqtalǵan.
Bıylǵy 12 qazanda materıaldar prokýratýranyń Aqparatty esepke alý kitabynda tirkelip, oblystyń Ekonomıkalyq tergep-tekserý departamentine joldandy. Sol kúni Qylmystyq kodekstiń 190-babynyń 4-bóligi (asa iri mólsherde alaıaqtyq jasaý) boıynsha sotqa deıingi tergep-tekserý bastaldy.
Sottyń sanktsııasymen kúdikti qamaýǵa alyndy. Tergeý barysy oblys prokýratýrasynyń baqylaýynda.
Osyǵan deıin Oralda sýmen qamtý jabdyqtaryn satyp alý barysynda bıýdjet qarajatyn jymqyrýdyń joly kesilgen bolatyn.
