SQO-da jol jóndeýge bólingen aqshany talan-tarajǵa salǵan sheneýnik ustaldy

PETROPAVL. QazAqparat – Soltústik Qazaqstan oblysy ákimdiginiń Energetıka jáne turǵyn úı-kommýnaldyq sharýashylyǵy basqarmasynyń basshysy tergeý ızolıatorynda qamaýda otyr, dep habarlaıdy QazAqparat tilshisi.

Soltústik Qazaqstan oblysy boıynsha Sybaılas jemqorlyqqa qarsy qyzmettiń málimetinshe, SQO ákimdiginiń Energetıka jáne turǵyn úı-kommýnaldyq sharýashylyǵy basqarmasy, «Kommýnhoz» memlekettik kommýnaldyq kásiporny jáne jol-qurylys kompanııasynyń basshylyǵyna qatysty jymqyrý, para berý jáne alý faktileri boıynsha qylmystyq is tergelip jatyr.

«Olar Petropavl qalasynyń avtojoldaryn jóndeýge bólingen bıýdjet qarajatyn jymqyrý, osy jumystardy oryndaýmen baılanysty para berý jáne alý boıynsha kúdikti.

Mamandandyrylǵan tergeý sotynyń sanktsııasymen kúdiktiler qamaýǵa alyndy.

Sotqa deıingi tergep-tekserý jalǵasýda, ózge aqparat QR QPK-niń 201-babyna sáıkes tergeý múddesinde jarııa etilýge jatpaıdy» delingen baspasóz habarlamasynda.

Buǵan deıin áleýmettik jelide SQO Energetıka jáne turǵyn úı-kommýnaldyq sharýashylyǵy basqarmasy basshysynyń tergeý ızolıatorynda 20 qarasha kúni daýys berip jatqan vıdeosy jarııalandy. Óńir jýrnalısteri № 656 «jabyq» saılaý ýchaskesine saılaýdyń ótý barysyn túsirýge barǵan edi.