SQO-da jol jabyldy: QazAvtoJol júrgizýshilerge eskertý jasady
ASTANA. KAZINFORM - Soltústik Qazaqstan oblysynda kólik qozǵalysyna shekteý qoıyldy.
- 06.08.2026 j. saǵat 09:00-de temirjol ótkeliniń tósemin qaıta qurastyrý boıynsha jóndeý jumystarynyń júrgizilýine baılanysty respýblıkalyq mańyzy bar «Petropavl qalasynyń aınalma joly» avtomobıl jolynyń 7-shaqyrymynda avtokóliktiń barlyq túri úshin kólik qozǵalysyna ýaqytsha shekteý engiziledi, - delingen QazAvtoJol habarlamasynda.
Joldy 2026 jylǵy 6 tamyz saǵat 18:00-de ashý josparlanǵan.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Aıta keteıik, elimizde 65 jastan asqan júrgizýshilerge qatysty medıtsınalyq tekserý máselesi qyzý talqylanyp jatyr. Keıbir azamattar muny jańa talap dep qabyldap, júrgizýshi kýáliginen aıyrylyp qalamyz ba degen alańdaýshylyq bildirdi. Osyǵan baılanysty Іshki ister mınıstrligi men Densaýlyq saqtaý mınıstrligi resmı túsindirme berip, qoldanystaǵy tártipti túsindirdi.
