SQO-da jol jabyldy
ASTANA. KAZINFORM — QazAvtoJol Soltústik Qazaqstan oblysynda kólik qozǵalysyna shekteý qoıylǵanyn habarlady.
— 2026 jylǵy 9 qazan saǵat 07:00-de kópirge aǵymdaǵy jóndeý jumystaryn júrgizýge baılanysty respýblıkalyq mańyzy bar KAZ 13 «Jezqazǵan — Arqalyq — Petropavl» avtojolynyń 875-shaqyrymynda (Pokrovka kópiri aýdanynda) kóliktiń barlyq túri úshin qozǵalysqa shekteý engizildi, - delingen habarlamada.
Balama marshrýttar:
- «Roşınskoe — Korneevka — Voloshınka» avtojolynyń 46–86,87 shaqyrym aralyǵy;
- «Voloshınka — Sergeevka — Tımofeevka» avtojolynyń 0–56 shaqyrym aralyǵy;
- «Jezqazǵan — Arqalyq — Petropavl» avtojolynyń 876–946 shaqyrym aralyǵy;
- «Pokrovka — Korneevka — Gornoe» avtojolynyń 34–0 shaqyrym aralyǵy.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Aıta keteıik, Qazaqstandaǵy jergilikti joldardyń 91%-y jańartyldy.
