SQO-da jol salý barysynda mıllıondaǵan qarjy jymqyrylǵan

PETROPAVL. QazAqparat - Soltústik Qazaqstan oblysynda bıylǵy jyly bıýdjet qarjysyn jymqyrýdyń 40-qa jýyq áreketteri anyqtaldy, dep habarlaıdy QazAqparat.

Bul týraly óńirlik kommýnıkatsııalar qyzmetinde ótken brıfıngte Memlekettik kirister departamenti jetekshisiniń orynbasary Nurymjan Abatov aıtty.

Onyń sózinshe, bıýdjet qarjysy búginde «kóleńkeli» ekonomıkanyń basty qarjy kózi bolyp otyr.

«Bizdiń óńirimizde avtmobıl joldary men ǵımarattardyń jáne túrli nysandardyń qurylysy barysynda jasalǵan qylmystar anyqtalýda. Qurylys salasy boıynsha 7 qylmys anyqtaldy. Keltirilgen shyǵyn 200 mln-nan astam teńgeni qurap otyr. Birqatar ister sotqa joldandy. Qalǵandary aıaqtalýǵa taıaý»,-dedi N.Abatov.

Ol taratqan derekter boıynsha, memlekettik menshiktiń qurylysy men jóndeý jumystary barysynda memlekettik satyp alý boıynsha atqarylǵan jumystardy asyryp kórsetý arqyly bıýdjet qarjysynń jymqyrý áreketi negizinde sotqa deıingi tergep-tekserý jumystary júrip jatyr.

Qylmystyq jaýapkershilikten jaltarý maqsatynda kúdikti azamattar qarjyny tergeý qyzmetkerlerine bergen. Shilde aıynda tekserý jumystary júrip jatqanda merdiger uıymnyń paıdasyna sheshim shyǵarý úshin 500 myń teńge para bermek bolǵan A. Atty azamat ustaldy. Osyǵan baılanysty memlekettik organ qyzmetkerin satyp alýǵa umtylý áreketi boıynsha sotqa deıingi tergeý bastaldy. Kúdikti Petropavl qalasynyń ýaqytsha ustaý ızolıatoryna qamaldy.

Ázirge bul oqıǵanyń qatysýshylarynyń aty-jónderi tergeý jumystary júrip jatýyna baılanysty jarııalanbaı otyr.