SQO-da jol-kólik oqıǵasynda eki adam mert bolyp, beseýi jaraqattandy
PETROPAVL. KAZINFORM – Soltústik Qazaqstan oblysyndaǵy respýblıkalyq mańyzy bar «Chelıabi-Novosibir» avtojolynda iri jol-kólik oqıǵasy boldy.
Kýágerler áleýmettik jelide bolǵan jaıttyń beınejazbasyn jarııalady.
SQO polıtsııa departamenti baspasóz qyzmetiniń málimetinshe, jol-kólik oqıǵasy 1 qyrkúıek kúni, saǵat 13:25 shamasynda, «Chelıabi-Novosibir» avtojolynyń 505 shaqyrymynda bolǵan. Qyzyljar aýdanynyń aýmaǵynda Chevrolet, Mazda jáne Lexus avtokólikteri soqtyǵysqan.
Saldarynan eki adam sol jerde mert bolyp, beseýi túrli jaraqat aldy.
Qazirgi ýaqytta sotqa deıingi tergeý júrgizilip jatyr, onyń qorytyndysy boıynsha protsestik sheshim qabyldanbaq.
Polıtsııa departamenti kólik júrgizýshilerine jolda abaı bolý qajettigin, jyldamdyqty, asyrmaı, qaýipti manevr jasamaý kerektigin eskertedi.
Buǵan deıin Almaty oblysynda órtten úsh adam qaza bolǵanyn jazǵan edik.