SQO-da jol-kólik oqıǵasynda eki adam mert boldy
PETROPAVL. KAZINFORM — Jol-kólik oqıǵasy búgin respýblıkalyq mańyzy bar «Petropavl-Jezqazǵan» avtojolynyń 808 km-de bolǵan.
Kýágerlerdiń aıtýynsha, oqıǵa shamamen saǵat 16.00 shamasynda bolǵan. «Nıva» kóligi Petropavldan Sergeevka qalasyna bara jatqan. Jol shetinde toqtap turǵan «GAZel» kóligin baıqamaı qalyp, soqtyǵysqan.
Soltústik Qazaqstan oblystyq polıtsııa departamentiniń málimetinshe, Shal aqyn aýdanyndaǵy Keńes pen Jańajol aýyldarynyń arasynda «Nıva» jáne «GAZel» kólikteri soqtyǵysqan.
Jol-kólik oqıǵasy saldarynan «Nıva» avtokóliginiń 40 jastaǵy jolaýshysy oqıǵa ornynda kóz jumdy. 45 jastaǵy júrgizýshi aýdandyq aýrýhanaǵa jetkizilgenimen, qabyldaý bóliminde qaıtys boldy.
Qazirgi ýaqytta atalǵan fakti boıynsha sotqa deıingi tergeý amaldary júrgizilip jatyr. Tergeý nátıjesine sáıkes protsessýaldyq sheshim qabyldanatyn bolady.
Osyǵan baılanysty polıtsııa departamenti júrgizýshilerge jol qozǵalysy erejelerin qatań saqtaý qajettigin eskertedi. Mamandar ásirese jyldamdyq rejımin buzbaýdy, manevr jasaý kezinde saq bolýdy jáne kóliktiń tehnıkalyq jaǵdaıyn únemi baqylap otyrýdy eske saldy.
Buǵan deıin Astanada bes qabatty úıden órt shyǵyp, 36 adam evakýatsııalanǵanyn jazǵan edik.
