SQO-da jol-kólik oqıǵasynda eki adam mert boldy
PETROPAVL. KAZINFORM — Soltústik Qazaqstan oblysy Aqqaıyń aýdany Lenınskoe eldi mekeni mańynda Volvo FH júk kóligi men Chevrolet Cobalt jeńil kóligi soqtyǵysyp qaldy.
SQO Polıtsııa departamenti baspasóz qyzmetiniń málimetinshe, oqıǵa «Astana-Petropavl» tas jolynda búgin túnde bolǵan. Saldarynan Chevrolet Cobalt avtokóliginiń 22 jastaǵy júrgizýshisi jáne onyń 21 jastaǵy jolaýshysy sol jerde alǵan jaraqattarynan kóz jumdy.
Qazirgi ýaqytta osy derekke qatysty sotqa deıingi tergeý júrip jatyr, onyń nátıjesi boıynsha protsestik sheshim qabyldanbaq.
Polıtsııa departamenti mundaı oqıǵalarǵa jol bermeý úshin júrgizýshilerge ásirese kólik kóp júretin ýchaskelerde jyldamdyq rejımin saqtap, kólik quralynyń tehnıkalyq jaǵdaıyn baqylaý qajettigin eskertedi.
Buǵan deıin Aqtóbede Toyota Alphard júk kóligimen soqtyǵysyp, tórt adam mert bolǵanyn jazǵan edik.