SQO-da jol-kólik apatynda bir jasqa tolmaǵan náreste mert boldy
PETROPAVL. KAZINFORM – Soltústik Qazaqstan oblysynyń Shal aqyn aýdanynda bolǵan jol-kólik oqıǵasynda bir adam qaza taýyp, úsh adam jaraqat aldy.
SQO polıtsııa departamenti baspasóz qyzmetiniń málimetinshe, 4 qarasha kúni Shal aqyn aýdany Araı aýylynyń mańynda jergilikti mańyzdaǵy jolda «VAZ 2107» avtokóliginiń 40 jastaǵy júrgizýshisi rýlge ıe bola almaı, qıyrshyq tastardyń úıindisine baryp soǵylǵan.
Alǵan jaraqattardyń saldarynan 2024 jyly týǵan kóliktegi náreste medıtsınalyq mekemege bara jatqan kezde qaıtys boldy. «VAZ 2107» avtokóliginiń júrgizýshisi men taǵy eki jolaýshysy aýdandyq aýrýhanaǵa jatqyzyldy. Medıtsınalyq kýálandyrý júrgizýshiniń mas bolmaǵanyn kórsetti.
Osy fakti boıynsha polıtsııa qyzmetkerleri qajetti saraptamalar men sotqa deıingi tergeýdi taǵaıyndaý úshin materıaldar jınap jatyr. Onyń nátıjesi boıynsha túpkilikti protsestik sheshim qabyldanbaq.
Buǵan deıin SQO Esil aýdanynda 83 jastaǵy er adam izdestirilip jatqandyǵyn jazǵan edik. Aýyl turǵyny túnde úıden shyǵyp ketken.
