SQO-da jol-kólik oqıǵasynda 1 adam mert bolyp, altaýy zardap shekti - TJM
ASTANA. Qańtardyń 13-i. QazAqparat - Soltústik Qazaqstan oblysynda jol-kólik oqıǵasy saldarynan 1 adam mert bolyp, taǵy 6 adam túrli dene jaraqattaryn aldy,
dep habarlaıdy QazAqparat.
Tótenshe jaǵdaılar mınıstrliginiń habarlaýynsha, kólik apaty keshe, qańtardyń 12-si kúni Jambyl aýdany Presnovka-Qaırankól avtojolynyń 33-shi shaqyrymynda «VAZ» jáne «ÝAZ» kólikteriniń qatysýymen bolǵan.
Birinshi kóliktiń 37 jastaǵy júrgizýshisi oqıǵa ornynda jantásilim etse, onyń jolaýshysy men «ÝAZ-ǵa» mingen barlyq 5 adam túrli jaraqattarmen aýrýhanaǵa jetkizildi.
